​БИЫЛ СЕНАТТЫҢ НЕШЕ ДЕПУТАТЫ ЖАҢАДАН САЙЛАНАДЫ?

Бүгін ҚР Орталық сайлау комиссиясының Сенат депутаттарының  сайлауына байланысты отырысы онлайн режимде өтті.

«Бүгін ҚР Президентінің Қазақстан Республикасы Парламенті Сенаты депутаттарының кезекті сайлауын тағайындау туралы қаулысы жарияланды. ҚР Конституциясына сәйкес, Сенат Конституциялық заңда белгіленген тәртіппен әр облыстан, республикалық маңызы бар қаладан және ҚР астанасынан 2 адам өкілдік ететін депутаттардан құралады. Сайланған Сенат депутаттарының жартысы әр үш жыл сайын қайта сайланады», — деді отырысты ашқан ҚР ОСК төрағасы Берік Имашев.

Оның атап өтуінше, осы жылдың қазан айында 2014 жылы сайланған Сенаттың 17 депутатының өкілеттік мерзімі аяқталады.

«Сенат депутаттарын жанама сайлау құқығы негізінде жасырын дауыс беру арқылы таңдаушылар — мәслихат депутаттары сайлайды. Оларды өз кезегінде республика азаматтары сайлады. Осылайша, ел азаматтары өз өкілдері арқылы Сенатты қалыптастыруға қатысады», — деді ол.

Отырыста 2020 жылдың 12 тамызына тағайындалған Парламент Сенаты депуттарын сайлауға дайындық және оны өткізу мәселелері қаралды.

19:11
109

«Сарыарқа газеті редакциясы» ЖШС
Қазақстан, Жезқазған қ., Есенберлин 63/3
Телефон: 8 (7102) 20-19-88

Яндекс.Метрика

ТОО «Редакция газеты Сарыарка» © 2019