ҚАЗАҚСТАННЫҢ АУАСЫ ЕҢ КӨП ЛАСТАНҒАН ҚАЛАЛАРЫ

Экологиялық реттеу және бақылау комитетінің төрағасы Зулфухар Жолдасов еліміздегі ауасы ең қатты ластанған қалалар тізімін атады. Оның айтуынша, 2021 жылы жүргізілген экомониторинг негізінде Теміртау, Нұр-Сұлтан, Алматы, Ақтөбе, Атырау, Өскемен, Қарағанды, Балқаш, Жезқазған, Шымкент қалаларындағы атмосфералық ластану деңгейі өте жоғары. 

«Алматы мен нұр-Сұлтан қалаларындағы ластанудың негізгі себебі — жылу-электр орталықтарына, автотранспорт пен жеке секторларға тікелей байланысты. Өскемен мен Теміртаудағы ауа өнеркәсіп салдарынан ластануда. Ал Ақтөбе мен Атырау қалалалында кәріздік тазалау желілерінің ескіргендігінен атмосфера бұзылып отыр», — дейді Зулфухар Жолдасов.