«Сөз Маржан» Collaboration Fest»: Бұл далада талай тарих жазылған

Қазақ жері

Бұл далада талай тарих жазылған,

Болашаққа өшпес мұра қалдырған.

Атқа қонып, найза ұстап, тік тұрып,

Батырлары елдік үшін шайқасқан.

Бұл далада шешендер билік еткен,

Ақылмен, әділдікпен дауды шешкен.

Тілі дәл, сөзі терең билеріміз,

Ел бірлігін сақтауды көздеген.

Бұл далада ақындар шабыттанған,

Табиғатқа тамсанып, өлең жазған.

Елін, жерін, тарихын суреттеді,

Адалдықты, білімдікті дәріптеді.

Бұл дала ұланғайыр қазақ жері,

Бабалардан аманат боп бізге келді.

Қанмен, термен бұйырған бұл жерімнің,

Әрбір қыры, әрбір тасы киелі.

—

24.09.2024 09:22

749