​Алғыс айту – адамгершілік белгісі

Бүгін «Garden Hall» мейрамханасында Қазақстан халқы Ассамблеясының 30 жылдығы мен 1 наурыз – Алғыс айту күні аясында түрлі этнос өкілдерінің қатысуымен мерекелік іс-шара ұйымдастырылды.

Бұл мереке — адамдар арасындағы сенімді, сыйластықты арттырып, ұлт және этносаралық сый-құрметтің нығая түсуіне қызмет етіп келеді. Алғыс айту күні –қазақ халқының мәдениеті мен дәстүрлеріне құрметті қалыптастыру, қоғамдық келісім мен ұлттық бірлікті, достықты нығайту, «Мәңгілік ел» құндылықтары негізінде қазақстандық патриотизмді қалыптастыру күні.

Алғы сөз Ұлытау облысының әкімі, облыстық Қазақстан халқы Ассамблеясының төрағасы Дастан Рыспековке берілді. Дастан Адайұлы ең алдымен Президент Қасым-Жомарт Тоқаевтың құттықтау хатын оқып берді. Аймақ басшысы өңірдің дамуына елеулі үлес қосып, түрлі этнос өкілдерінің арасындағы қарым-қатынасты нығайтуға атсалысып жүрген бірқатар жерлестерімізге алғыс хаттар табыстап, марапаттау рәсімін өткізді.

Іс-шара барысында Ұлытау облысы Ақсақалдар кеңесінің төрағасы Сағындық Қожамсейітов, сондай-ақ өңірдегі этномәдени бірлестіктердің көшбасшылары мен өкілдері сөз сөйледі. Олар қуғын-сүргін жылдарында көрсеткен қонақжайлылығы үшін барша қазақ халқына алғыстарын білдірді.

Мерекелік іс-шарада тек алғыс пен тілек ғана емес, сонымен қатар талантты ұжымдардың орындауындағы керемет музыкалық композициялар да орындалды.

Мемлекет басшысы « Биыл ұлы Абайдың 180 жылдық мерейтойын лайықты атап өтуіміз керек», – деген болатын. Осы орайда ұлы ақынға арналған іс-шаралар республика көлемінде аталып өтілуде. Бүгінгі керемет іс-шарада да қазақтың бас ақыны жайлы кеш жүргізушілері түрлі мәліметтермен бөлісті және Сәтбаев қаласынан келген «Самоцветы» ансамблінің (жетекшісі – Павел Малов) талантты мүшелері ұлы Абайдың «Көзімнің қарасы» әнін айтты. Әрі қарай кеш «Ақ әжелер» ансамблі мүшелерінің орындауындағы әсем әнмен жалғасын тапты.

Салтанатты шара үйлесімділік, құрмет пен өзара сыйластықтың символы болып табылатын «Қазақстан халқы Ассамблеясы» әнұранының шырқалуымен аяқталды.

18:02
415

«Сарыарқа газеті редакциясы» ЖШС
Қазақстан, Жезқазған қ., Есенберлин 63/3
Телефон: 8 (7102) 20-19-88

Яндекс.Метрика

ТОО «Редакция газеты Сарыарка» © 2020