Президент бүгін Ұлытау облысының әкімі Дастан Рыспековті қабылдады

Дастан Рыспековтің баяндамасынан:

➤ өткен жылы өнеркәсіп өндірісі 8 пайызға, құрылыс жұмыстарының көлемі 28 пайызға және тұрғын үйді пайдалануға беру көрсеткіші 30 пайызға өскен;
➤ былтыр өңірге 226 миллиард теңгеден астам инвестиция тартылған. Оның 89 пайызы – жеке инвестиция;
➤ жалпы сомасы 940 миллиард теңге болатын инвестициялық пул жасақталған;
➤ биыл құны 138 миллиард теңгені құрайтын 17 жобаны іске асыру жоспарланып отыр.

Сондай-ақ:

➤ Президентке қатерлі өндіріс орындарында еңбек ететін азаматтардың қауіпсіздігін сақтау бағытында бұған дейін берген тапсырмасына сай атқарылып жатқан жұмыстар туралы баяндалды. Тиісті шараларды әкімдік Үкіметпен бірлесіп жүргізуде.

➤ Әкім «Қазақмыс» корпорациясының «Жомарт» кенішінде таяуда болған апат салдарынан қаза тапқан шахтерлердің отбасыларына көрсетіліп жатқан көмек түрлеріне тоқталды.

Дастан Адайұлына көлік-логистика әлеуетін арттыру, инфрақұрылымды жаңғырту, сапалы медициналық қызмет көрсету, халықты таза ауызсумен қамтамасыз ету және экологиялық мәселелерді шешу жөнінде тапсырма берілді.