Жезқазғанда Тазару күні аталып өтті

23 наурыз – Қазақстанда экологиялық мәдениетті қалыптастыруға бағытталған Тазару күні. Бұл күн табиғатты қорғау, қоршаған ортаны таза ұстау және экологиялық сананы нығайту мақсатында өткізіледі. 

Жезқазғанда Тазару күні аталып өтті.

Қала жолдарын, жаяу жүргіншілер аймақтарын, тротуарларды сумен жуып, шаң мен кірден арылту жұмыстары жүргізілді. Бұл шара қаланың экологиялық жағдайын жақсартуға, тұрғындарға жайлы әрі таза орта қалыптастыруға бағытталды.