Ұлы Жеңіске - 80 жыл

       2025 жылы біз Ұлы Отан соғысының аяқталғанына 80 жыл толуын атап өтеміз.         Бұл тарихи оқиға – біздің халқымыздың ерлігі мен батырлығының символы, сондай-ақ, бейбіт өмірдің құндылығын түсінудің негізі. Соғыс жылдары миллиондаған адамдардың тағдырына әсер етіп, еліміздің тарихында терең із қалдырды.

     Ұлы Отан соғысы – тек әскери қақтығыс емес, ол халықтың рухын, бірлігін және патриотизмін сынаған ауыр кезең болды. 1941 жылы басталған соғыс еліміздің әрбір азаматына ауыртпалық әкелді. Соғысқа аттанған жауынгерлердің қатарында тек ерлер ғана емес, әйелдер мен жастар да болды. Олар майданда да, тылда да аянбай еңбек етіп, ел үшін жанын пида етті. Біздің халқымыздың батырлығы мен төзімділігі арқасында фашистік басқыншыларға қарсы тұрып, жеңіске жеттік. Соғыс жылдарында көрсетілген ерлік пен жанқиярлықты ұмытпауымыз керек. Біздің ата-бабаларымыздың күресі – бүгінгі бейбіт өміріміздің негізі. Олар бізге тәуелсіздік пен бостандықты сыйлады. Сондықтан, әрбір 9 мамыр күні біз Жеңіс күнін тойлап, сол кездегі батырларымызды еске аламыз. Олардың есімдері біздің жүрегімізде мәңгі сақталады.

Гүлнұр Берікова.