Ұлытау облысында заңсыз алкоголь өнімдері тәркіленді

     Ұлытау облысының сауда нүктесінде рұқсат құжатынсыз (лицензиясыз) сақталған әр түрлі атаудағы құны 700,0 мың теңгеден асатын 690 литр (19 кега сыра) заңсыз алкоголь өнімдері анықталды.

     Аталған заң бұзушылықты Ұлытау облысы бойынша Мемлекеттік кірістер департаменті Жезқазған қаласы бойынша Мемлекеттік кірістер басқармасымен бірлескен рейдтік іс-шаралардың нәтижесінде анықтады.
     Аталған факт бойынша ҚР Әкімшілік құқық бұзушылық туралы кодексінің 463-бабы бойынша әкімшілік іс қозғалып, одан әрі қарау үшін сотқа жолданды.
Құқық бұзушылықтың тікелей нысанасына айналған акцизделетін тауарлар тәркіленді, сондай-ақ, салық төлеуші 25 айлық есептік көрсеткіш мөлшерінде айыппұл түрінде әкімшілік жауапкершілікке тартылатын болады.
      Тиісті лицензиясыз, тауарларға арналған ілеспе жүкқұжаттарынсыз және сәйкестендіру құралдарымен таңбаланбаған акцизделетін өнімді Қазақстан Республикасының аумағында өткізуге тыйым салынғанын еске саламыз!

     Ұлытау облысы бойынша Мемлекеттік         кірістер департаменті