Маңызды заңнамалық өзгерістер қабылданды

Қазақстан Республикасы Президентінің тапсырмасы бойынша және қоғамның сұранысына жауап ретінде, азаматтардың — әсіресе әйелдер мен осал топтардың — жеке шекаралары мен өмірін қорғауға бағытталған маңызды заңнамалық өзгерістер қабылданды.

      Не өзгерді?

       Сталкингке (құмарта қудалау) қылмыстық жауапкершілік енгізілді — енді бұл қылмыс болып саналады!

Адамның еркіне қарсы қудалау, аңду немесе байланыс орнатуға әрекеттену үшін 200 АЕК-ке дейін айыппұл, қоғамдық жұмыстар немесе 50 тәулікке дейін қамау жазасы қарастырылған.

       ҚР ҚК 125-бабындағы бұрынғы құқықтық саңылау алынып тасталды: енді ұрланған адамды ерікті түрде босатқан күннің өзінде де ұрлаушы жауапкершіліктен босатылмайды.

     Жаңа бап енгізілді — некеге мәжбүрлеу (ҚР ҚК 125-1-бап):

     2000 АЕК-ке дейін айыппұл немесе 2 жылға дейін бас бостандығынан айыру;           ауыр жағдайда — 5 жылға дейін бас бостандығынан айыру;

     ауыр зардаптарға әкелген жағдайда — 10 жылға дейін бас бостандығынан айыру.

     Бұл өзгерістер — әрбір азаматтың қауіпсіздігін қамтамасыз ету және бостандық пен жеке өмірге қол сұғушылық үшін жазаны күшейту жолындағы маңызды қадам.

Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі Зулхаиров Ренат

#ҰлттықКомиссия

#UlttyqKomissiya

#НацКомиссия