Ұлытаулық жастармен кездесу

ҚР Президентінің кеңесшісі Мәлік Отарбаев «AMANAT» партиясының Ұлытау облыстық филиалының ғимаратында жастармен кездесу өткізді.

Жиынды Ұлытау облысы әкімінің орынбасары Зина Ақылбекова ашып, жүргізіп отырды.

Басқосуда Жастар ресурстық орталығының директоры Сәкен Қайратұлы мен Сәтбаев қалалық мәслихатының депутаты, «Ұлытау жастары» ҚБ төрағасы Дәулет Сейтпеков сөз алып, өз салалары бойынша атқарылып жатқан жұмыстар мен жоспарлар туралы баяндама жасады.

Президенттің кеңесшісі Мәлік Нұржанұлы өз кезегінде Жолдауда белгіленген негізгі басымдықтарды түсіндіріп, стратегиялық бағыттардың мән-маңызына тоқталып, өңірлерде жүзеге асырудың нақты тетіктерін атап өтті.