«Менің таза қалам» — болашаққа таза аманат

Жезқазған қаласында экологиялық мәдениетті арттыру мақсатында «Менің таза қалам» атты ашық сабақ өткізілді. Бұл іс-шараның негізгі мақсаты — оқушылардың табиғатты аялауға деген сүйіспеншілігін арттырып, қоршаған ортаға жауапкершілікпен қарауға баулу болды.

Сабақ барысында ұстаздар мен оқушылар елімізде жүргізіліп жатқан «Таза Қазақстан» акциясының мәні мен маңыздылығына тоқталды. Бұл акция — тек қоқыс жинау шарасы ғана емес, ол қоғамның экологиялық санасын қалыптастыруға бағытталған үлкен бастама.

Оқушылар табиғатты қорғаудың әр адамнан басталатынын түсінді. Күнделікті өмірде қоқысты сұрыптау, суды үнемдеу, ағаш отырғызу сияқты қарапайым әрекеттердің өзі экологиялық тепе-теңдікті сақтауға үлес қосатыны айтылды. Сонымен қатар, сабақ барысында қаламызды таза ұстау — әр азаматтың парызы екені ерекше атап өтілді.

«Менің таза қалам» атты сабақ оқушыларға үлкен әсер қалдырды. Олар туған қалаларына деген сүйіспеншілігін арттырып, экологиялық мәдениетті қалыптастырудың маңызын түсінді.