Президент «Әл-Фараби» орденін енгізуді ұсынды

АСТАНА. KAZINFORM — Бұл туралы Мемлекет басшысы Қасым-Жомарт Тоқаев ғалымдарды марапаттау рәсімінде айтты.

— Қазақ даласы көптеген кемеңгер тұлғалардың мекені болғанын білесіздер. Соның ішінде әлемге әйгілі ойшыл әл-Фарабидің орны ерекше.

Оның мұрасы — бүкіл адамзаттың асыл қазынасы, өркениет ойының шыңы.

Осыған орай, мен жоғары мемлекеттік марапаттар тізіміне арнайы «Әл-Фараби» орденін енгізу қажет деп санаймын. Бұл марапат білім мен ғылым, мәдениет пен руханият саласында зор табысқа жеткен азаматтарға беріледі.

«Мейірім», «Қожа Ахмет Ясауи», «Әл-Фараби» ордендері биыл алғаш рет Республика күні қарсаңында тапсырылатын болады, — деді Мемлекет басшысы.

Айта кетелік Президент кітап оқу үрдісі ұлттың озық қасиетіне айналғаны жөн екенін айтқан еді.

Назым Бөлесова.

—

10.04.2026 15:39

Редактор