«Таза Қазақстан» – маңызды бастама

«Таза Қазақстан» – бұл бір реттік акция ғана емес, қоғамда экологиялық мәдениетті қалыптастыруға бағытталған маңызды бастама.

 Аталған жоба қоршаған ортаны қорғауға, тазалықты сақтауға және азаматтардың жауапкершілігін арттыруға үндейді. Тазалық – күнделікті өмір салтына айналуы тиіс ортақ құндылық.

Осыған орай, Ұлытау облысының Кәсіпкерлер палатасы «Таза Қазақстан» жалпыоблыстық сенбілігіне белсенді түрде қатысты. Іс-шара барысында Палата қызметкерлері Жезқазған қаласындағы Сейфуллин көшесінің Алашахан даңғылынан Ғарышкерлер бульварына дейінгі аумағында тазалық жұмыстарын жүргізді. Нәтижесінде көше бойы қоқыстан тазартылып, жол жиектері ретке келтірілді.