ЦИФРЛАНДЫРУ ЖЫЛЫ: КИБЕРҚАУІПСІЗДІК МӘСЕЛЕЛЕРІ БОЙЫНША СЕМИНАР

8 қыркүйек күні Жаңаарқа ауданында цифрландыру жылы аясында киберқауіпсіздік мәселелеріне арналған семинар өтті.

Іс-шараның негізгі мақсаты – азаматтардың киберқауіпсіздік саласындағы сауаттылығын арттыру, интернет кеңістігіндегі қауіп-қатерлердің алдын алу және жеке деректерді қорғау бойынша түсіндіру жұмыстарын жүргізу.

Семинар барысында интернет-алаяқтықтан сақтану, күмәнді сілтемелер мен хабарламаларды ажырату, жеке мәліметтерді қорғау, сондай-ақ цифрлық технологияларды қауіпсіз пайдалану мәселелері талқыланды.

Қатысушыларға киберқауіпсіздік талаптарын сақтау, интернеттегі алаяқтық әрекеттерге жол бермеу және цифрлық ортада жауапкершілікпен әрекет ету жөнінде ақпарат берілді.

Мұндай іс-шаралар халықтың цифрлық сауаттылығын арттырып, заманауи ақпараттық қауіп-қатерлерге қарсы тұруға және қауіпсіз цифрлық ортаны қалыптастыруға ықпал етеді.

—

14.09.2026 18:42

Редактор