​ТӨБЕМДЕ – КӨК ТУЫМ, ТӨРІМДЕ – ЕЛТАҢБАМ, ЖҮРЕКТЕ – ӘНҰРАН

Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. «Қазақстан Республикасының Мемлекеттік рәміздері туралы» Конституциялық Заң 2007 жылғы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.

Осыдан 24 жыл бұрын Қазақстан Республикасының Мемлекеттік рәміздері Ақмолаға жеткізілді.

1997 жылғы 8 қарашада Ақмоланың орталық алаңында Республикалық ұланның қолбасшысы Сәт Тоқпақбаев арнайы рейспен Алматыдан жеткізген Қазақстан Республикасы Мемлекеттік билігі рәміздерінің Жаңа Астанаға келуіне арналған салтанатты митинг пен шеру өтті. Ақмолаға Премьер-Министрмен және республика үкіметінің мүшелерімен бірге келген Қазақстан Республикасының Президенті Нұрсұлтан Әбішұлы Назарбаев шеруді қабылдады.

Митингте Мемлекет басшысы өз сөзінде болып жатқан оқиғалардың бүкіл республика үшін де, Ақмола үшін де маңыздылығын атап өтті. Ол бұл қала тарихтың түрлі кезеңдерінде, әсіресе, бүкіл өңір үшін басқарудың бай тәжірибесін берген тың игеру жылдарында маңызды рөл атқарғанын атап өтті. Қазақстанның мемлекеттілігін нығайтуға және жүргізіліп жатқан әлеуметтік-экономикалық реформаларға байланысты бірқатар бүгінгі шындықтар мен перспективаларға орай, Ақмолаға оның жаңа мәртебесін айқындай отырып, көзіміз тағы да бұрылды.

Осы күннен бастап Ақмола, қазіргі Нұр-сұлтан қаласы мемлекеттік рәміздердің – Ту мен Елтаңбаның эталондық даналарын, сондай-ақ президенттік байрақтың сақтаушысы болды.

Мемлекеттік рәміздерді құрметтеу бірқатар маңызды конституциялық нормаларға жатады. Мәселен, Қазақстан Республикасының "Қазақстан Республикасының Мемлекеттік рәміздері туралы" Конституциялық заңында Қазақстан Республикасының азаматтары да, оның аумағындағы адамдар да Қазақстан Республикасының Мемлекеттік Туын, Қазақстан Республикасының Мемлекеттік Елтаңбасын және Қазақстан Республикасының Мемлекеттік Гимнін қастерлеуге міндетті деп жазылған. және Қазақстан Республикасының Мемлекеттік рәміздеріне құрметпен қарауды қалыптастыру, азаматтыққа және патриотизмге, өз Отанына деген сүйіспеншілікке тәрбиелеу мақсатында — Жалпы орта, кәсіптік бастауыш, кәсіптік орта және кәсіптік жоғары білімнің білім беру бағдарламаларын іске асыратын білім беру ұйымдарында оларды зерделеудің мәні мен маңызын түсінуді, Қазақстан Республикасының Мемлекеттік рәміздеріне құрметпен қарауды қалыптастыруды көздейтін Қазақстан Республикасының Мемлекеттік Туы үнемі арнайы бөлінген көрнекі жерге орнатылады, Мемлекеттік Елтаңба не олардың бейнелері, сондай-ақ Қазақстан Республикасы Мемлекеттік Гимнінің мемлекеттік тілдегі мәтіні орналастырылады.

Еліміздің мемлекеттік рәміздерін құрметтей отырып, әрбір қазақстандық өз Отанына деген патриоттық сезімін білдіреді, оның жетістіктері мен мәдениетін мақтан тұтады, халқымыздың мінезі мен мәдени ерекшеліктерін сақтайды.

Г үлмира НАЗАРБЕКОВА ,

Техникалық реттеу және метрология комитетінің Қарағанды облысы бойынша департаментінің бас маманы